CAPIZ 1st Provincial Development Council Meeting under the administration of Governor Fredenil Castro

Kaina sang aga kaupod ang mga alkalde, representante sang nagkalain-lain nga LGU’s sa Capiz, Sangguniang Panlalawigan sa pagpanguna ni Vice Governor Mitang Magbanua, government agencies kag pribado nga sektor nakigbahin kita sa ginhiwat nga labing-una nga Provincial Development Council Meeting sa administrasyon ni Governor Fredenil “Oto” Castro.

Diri ginpresentar sa konseho kag gin-aprubahan ang ginduso nga resolusyon para sa Revised Annual Investment Program sang probinsya sang Capiz sa Calendar Year 2022 kag Annual Investment Program, Calendar Year 2023 nga nakasandig sa GUGMA Thrust ukon prayoridad nga mga programa kag proyekto sang administrasyon ni Governor Castro sa patag sang Infrastructure, Health and Nutrition, Livelihood and Employment, Education, Environment kag Good Government.

Gintalakay man diri ang pag-organisar sang Executive Committee, Sectoral and Functional Committees, Provincial Project Monitoring Committee, Endorsement sang Geographic Private Sector Representative Member to Regional Development Council VI kag iban pa.

Ini aton ginasuportahan nga mga programa bangud ini para sa ikaayo sang bilog nga probinsya. Aton man ginalauman ang suporta sang PDC sa mga prayoridad nga proyekto sang syudad sa palaabuton.

0 Comments

There are no comments yet

Leave a comment

Your email address will not be published. Required fields are marked *