Capiz hosts World AIDS Day Regional and Province wide Celebrations

Capiz hosts World AIDS Day Regional and Province wide Celebrations, launches HIV Treatment Hub and Primary Care Clinic.

Kadungan sang selebrasyon sang Regional World AIDS Day sa Capiz ginpangunahan ni Governor Fredenil Oto Castro ang paglunsar sang HIV Treatment Hub and Primary Care Clinic sa probinsya sang Capiz nga gintambungan mismo ni DOH – Center for Health and Development Regional Director Adriano P. Suba-an, MD, MPG, MCHM, CESO IV.

Pinaagi sa pag-angkon sini nga pasilidad mahatagan naton sang access nga makapakonsulta gilayon ang mga suspected cases, masiguro ang temprano nga pagkadiskubre sang virus kag temprano nga pagbulong agud malikawan ang gilayon nga kamatayon.

Nagapasalamat kita kay Governor Castro sa pagpanguna sini nga adbokasiya. Handum naton ang kadalag-an sini agud makasalbar kita sang madamo nga kabuhi kag malikawan ang padayon nga paglapta. “End HIV, Act for Equality para sa Healthy Pilipinas.”

Kadungan sini ginbaton naton ang sertipiko halin sa Department of Health VI nga naga-designar sa aton Treatment, Health and Wellness Service Clinic sa Roxas City Health Office bilang Designated Primary HIV Care Clinic.

Ginsundan ini sang pagpirma sa Commitment Tree sang mga partners and stakeholders subongman Candle Lighting bilang pagdumdom sa tanan nga biktima kag nagtaliwan bangud sang HIV-AIDS.

Kaupod naton nga nagtambong kag nagpabutyag suporta sini nga inisyatibo sanday Board Member Thea Faith Reyes, SP Chairman, Committee on Health, Board Member Elmer Arevalo, Vice – Chairman Committee on Health, Ex-officio Board Member/City Councilor Atty. Paul. Baticados, Councilor Pip Acepcion, CHO, MHOs, Medical Practitioners, Capiz Shells LGBTQIA+ Community, kag iban pa nga stakeholders.

0 Comments

There are no comments yet

Leave a comment

Your email address will not be published. Required fields are marked *