Sa Abril 14 tubtob Mayo 1, CAPIZTAHAN NA. Nag-meeting kami subong upod ang mga representante sang Provincial Government sa administrasyon ni Governor Fredinel Oto Castro kaupod ang PNP kag BFP agud preparahan ang patigayunon nga mga aktibidades sa sentro sang syudad.
Nagapanguna sa gintalakay ang proposed traffic routes kag road closures. Gusto ta nga matun-an ini sang maayo agud masiguro nga organisado ang dalagan sang trapiko kag indi mangin huol sa mga motorista. Isa pa gid sa nagapanguna naton nga concern ang pagmentinar sang katahum kag katinlo sa palibot.
