5 ka adlaw nalang Capiztahan na!
Isa ka Press Conference ang ginpatigayon snag Provincial Government sa pagpanguna ni Capiz Governor Fredenil Oto Castro agud paagi sa media mapaabot ang imbitasyon sa pumoluyo nga makig-upod sa pagpangalipay sang Capiztahan humalin Abril 14 tubtob Mayo 1.
Kaupod ang mga opisyales sang gobierno probinsyal, Vice Governor Mitang Magbanua, mga Board Members, Vice Mayor Inday Teresa Almalbis nga nagrepresentar sa akon subongman si City Administrator Love Usison, ginpaabot ni Governor Oto Castro ang pagpasalamat sa tanan nga nagasuporta sa preparasyon. Iya man ginhingyu ang bulig kag kooperasyon sang tanan sa Capiztahan 2023 nga teaser sang mas balantayan nga selebrasyon sa 2024.
Pinasahi sa nakaandan kag memorabli ang ma-eksperyensyahan sa selebrayson subong. Diri ipasundayag sang tanan nga banwa kag Roxas City ang Maragtas sang Capiz halin sadto tubtob sa bag-o nga sibilisasyon.
Naga-upod kita sa paghatag katumanan sang handum ni Governor Oto nga mangin biggest festival ang Capiztahan sa Pilipinas sa masunod nga mga tinuig. Sa Capiztahan subong inyo na makita ang kaayuhan nga dala sang ONE CAPIZ, ang pag-isa sang Provincial kag City Government.
