604 ka benepesaryo sang Cash for Work Program sang DSWD sa Roxas ang nagpaidalum sa Orientation subong nga aga nahanungod sa Risk Resiliency Program for Climate Change Adaptation and Mitigation and Disaster Risk Reduction. Sila ginpaidalum sa seminar agud mapasangkad ang ila ihibalo sa pagproteher sa dunang-manggad agud mapahagan-hagan ang epekto sang kalamidad.
Kasunod sini, sila ang magapatigayon sang tree planting activity sa na-identify nga lugar sang syudad sa sulod sang napulo ka adlaw.
Nagtambong sa nasambit nga hilikuton si CENRO Officer Ronald Amigo kag nagrepresentar sa akon si Councilor Bords Viterbo nga nagpabutyag sang aton suporta sa sining importante nga programa nga makabulig indi lamang sa pag pahagan-hagan sang kabudlay sang kabuhi sang mga benepesaryo kundi pati na sa pag-amlig sa palibot.