CDC Approves Roxas City AIP for 2023

Gin-aprubahan subong nga hapon sang mga katapo sang City Development Council ang ₱ 9,909,807,737 nga Annual Investment Program sang Roxas City para sa tuig 2023.

Nakasulod diri ang ₱1.180 billion nga LOCAL FUND nga ginlakipan sang 20% Development Fund, Children Fund, LDRRM Fund, Gender and Development Fund, Special Education Fund, Senior Citizens kag PWD Fund.

Para sa ihibalo sang tanan, ang ₱163,306,954 nga 20% Development Fund sang syudad magapadulong sa implementasyon sang mga programa kag proyekto sa idalum sang Social Development, Economic, Environmental Management kag iban pa. Kalakip diri ang pagpadayon sang Bugas Para sa Taga Roxas nga Food Security Program, konstruksyon, rehabilitasyon kag pag-aspalto sang mga dalanon, pagbakal sang mga kinahanglanon nga Construction and Heavy Equipment/Engineering Equipment/Multi-Purpose Vehicles, Garbage Trucks kag iban pa nga proyekto nga makabulig sa kabarangayan kag pagpatahum sang syudad.

Ang 8.6 billion sini nga External Fund ang aton pa tinguhaan nga mapangitaan sang pondo sa iban nga ahensya sang gobierno agud matigayon ang pagpatuman sang mga importante nga plano para sa kaayuhan sang syudad.

Akon gid ginapasalamatan ang tanan nga katapo sang CDC nga nagtambong sa sinapol kag nangin kabahin sa pag-aprubar sang pondo para sa masunod nga tuig lakip diri sanday City Councilor Paul Baticados, City Administrator Love Usison, Liga ng mga Barangay, katapo sang Civil Society Organizations, City Planning and Development Office kag mga Department Heads.

Ini nga hilikuton panugod naman naton nga tikang para sa paglab-ot sang aton handum para sa BIGGER, BETTER, BRIGHTER Roxas City sa 2023.

-MAYOR RONNIE DADIVAS

0 Comments

There are no comments yet

Leave a comment

Your email address will not be published. Required fields are marked *