Subong nga hapon gin-aprubahan sang City Development Council ang pondo para sa mga proyekto nga aton prayoridad ipatuman subong nga tuig agud labi pa nga mapaayo ang serbisyo sa pumoluyo.
Kalakip diri amo ang nakalinyada nga Redevelopment sang Roxas City People’s Park sa Baybay, pagpatindog sang Integrated Emergency Operation Center, Bagsakan Center sa TATC, pagpadayon sang Riverside Promenade, Multi-purpose Transport Vehicle sa mga kabarangayan, pagpa-aspalto sang pila pa ka mga dalanon sa syudad kag madamo pa.
Ginapasalamatan ko ang akon nga kaupdanan sa City Government, CPDO, CBO, City Accounting, Sangguniang Panlungsod Members headed by VM Inday Teresa Almalbis, Department Heads headed by our City Administrator Love Usison, Government Agencies, Private Sector, mga Barangay Opisyales, Civil Society Organizations kag iban pa nga upod naton nga wala untat sa pagtrabaho kag nagahandum para sa progreso sang Roxas City.
-MAYOR RONNIE DADIVAS