Subong nga aga ginpirmahan ko ang duha ka Memorandum of Agreement sa tunga sang Roxas City Government kag Capiz Information and Communications Technology Council (CICTC), Incorporation nga ginrepresentar nanday Chairmen Jonathan A. Gurango and Co-Chairman Jose Neri Ong.
Kaundan sini nga MOA ang pag-establisar sang ROXAS CITY ICT TRAINING CENTER, Kag Joint Voluntary Cooperation sa tunga sang CICTC and City Government nga ang nagapanguna nga katuyuan amo nga mangin isa sa Digital Cities 2025 ang Roxas City.
Pinaagi sini nga partnership target naton nga maabot ang digital transformation nga makabenepisyo sa pumoluyo sang syudad pinaagi sa pagpatigayon sang training agud mapaayo ang kalidad sang talento sang Capiznon pinaagi sa Talent Enablement and Development (TED) Program nga makabulig sa madasig kag mahapos nila nga pagsulod sa ICT Industry nga magahatag sang maayo nga kita.
Kita sa City Government amo ang bahala sa pagpahamtang sang training facility /laboratory – classroom kag iban pa nga kagamitan samtang ang CICTC naman ang maga-provide sang computers, Facilitators kag training modules.
Nagtambong sa amon MOA Signing sanday Mr. Roy Gurango, Ms. Hariette Ong-Banzon kag Mr. Richard Delos Reyes sang Roxas City ICT Office.
-MAYOR RONNIE DADIVAS
© 2023 All rights reserved