Kahapon ginreport naton nga may mga baboy nga nagpositibo sa African Swine Fever sa Dumolog kag Tanza. Gani sa pagbisita ni Barangay Kapitan Mario Artillero sang Dumolog sa opisina nagapanguna sa amon gin-istoryahan ang mga estratihiya agud mapasangkad ang kampanya sa pagtapna sang paglapta sang ASF sa mga babuyan sa ila barangay kag kalapit nga lugar.

Kinahanglan ang kooperasyon sang pumoluyo sa kampanya batuk sa ASF. Sa mga nagahupot sang baboy, importante nga I-report gilayon sa Barangay kag City Veterinarian Office kon may ara kamo sang nagamasakit nga baboy agud ila makadtuan kag mapaidalum sa assessment.

Para mangin safe kag indi maglapta ang ASF virus ginapanugyan sa mga bumalakal nga sa merkado publiko lang sang syudad magbakal sang karne sang baboy bangud ini may sertipikasyon, wala sang sakit kag may tatak nga nakaagi sa pag-usisa sang Slaughter House. Aton gid anay gina-discourage ang pagbaligya sang karne sang baboy sa mga talipapa.

Leave a Reply

Your email address will not be published. Required fields are marked *