Ginakalipay naton ang pagbisita subong nga hapon sa Roxas City ni Congresswoman Rowena Guanzon sang P3PWD Partylist.
Ang iya pagpadulong para gid sa mga kasimanwa naton nga may kasablagan sa lawas. Diri personal niya nga gintugyan ang wheelchair sa mga napili nga resipyenti nga may balatian nga cerebral palsy.
Kasunod sang ginhiwat nga turn-over aton man ginpasumpa ang nga bag-o napilian nga opisyales sang asosasyon sang mga Persons with Disabilities sa Roxas City sa pagpanguna sang ila presidente nga si Mr. Lloyd Develos.
Aton gid ginapasalamatan si Cong. Bing sa iya pag-ulingag sa mga PWDs sa syudad nga aton ginasuportahan pinaagi sa pagpatuman sang mga programa kag proyekto nga makabulig sa ila organisasyon.
Nagtambong sa sini nga aktibidad sanday Councilor Bordoy Viterbo, Vice Governor Mitang Magbanua, Board Member Thea Faith Reyes kag Board Member Trina Almalbis-Ignacio.
