Napili ang Roxas City sang Convoy of Hope, isa ka faith-based, international non-profit organization nga mangin resipyenti sang ila nagkalain-lain nga programa para sa kabataan kag mga kababaihan.
Nalipay gid ako sa amon pag-istoryahanay nanday Convoy of Hope National Director Raul Manuel, Chief Operations Officer Luis Sasuyan, kaupod ang ila Nutritionist nga si Marineth Poncio kag Venus Ecleo subongman CSWDO Persy Cordova, Partor Rey kag Zeny Calusay parti sa ila Strategic Children Feeding initiatives, Women Empowerment, Agriculture , Disaster Services kag Spiritual Development Programs.
Kapin na sa 70,000 ka kabataan sa bilog nga Pilipinas ang resipiente sang ila feeding programs 5 times a week, 200 days per year. Pati mga kababaihan labi na ang mga Nanay nabuligan man nila.
Daku gid nga bagay nga nakakita kita sini nga kapartner nga makabulig sa aton tinutuyo nga mahatagan sang masustansya nga pagkaon kag mangin healthy ang panglawason sang mga kabataan nga yara subong sa Day Care.
Timing man ini bangud plastado naman ang aton sistema sa epektibo nga pagpatigayon sang feeding kag iban nga programs. Aktibo ang aton Day Care Workers sa kabarangayan, may CBAO kita, may grupo sang Kababaihan kag functional ang aton BLT Kitchen nga ginadumala sang CSWD.
-MAYOR RONNIE DADIVAS
© 2023 All rights reserved