Aton guina abi-abi ang pagbisita sang bag-o nga Regional Director sang Department of Health-VI, Director Adriano P. Subaan kaupod sanday DOH Capiz Head Dr. Mary Joy Castroverde kag Mr. Pancho Espiritu agud hibaluon ang aton sitwasyon, mga inisyatibo kag programa angut sa padayon ta nga pagpakigbato sa CoVid-19.
Aton guinakalipay ang iya pag deklarar nga: “Best TTMF I’ve seen” ang aton pasilidad.
Guinapabugal ko man ipahibalo labi na sa aton mga kabarangayan nga mismo ang Regional Director ang nagsiling nga daku ang papel kag kontribusyon sang komunidad partikular sang mga Barangay Frontliners/Officials sa pagpanubo sang kaso sang CoVid sa syudad. Nangin maayo man ang epekto sang abanse naton nga paghulag agud mapaidalum sa MECQ ang Roxas City sang Hunyo bangud napahagan-hagan na naton subong ang pagtaas sang kaso.
Iya man guin-inspeksyon ang aton Quarantine kag Isolation Facility nga guinaduso nga mangin Temporary Treatment and Monitoring Facility sang CoVid Patients sa Hortus Botanicus. Iya guinasiguro nga maaprubahan na ini guilayon kag pagasuportahan ang pagpakaayo sang Healthcare sa aton syudad.
Kaupod naton sa pag-inspeksyon sanday Dr. Lory Cahilog kag City Health Office staff, Mr. Ronald Amigo sang Roxas City CoVid-19 Command Center, Mr. Glenn Amane, Facility Manager Mr. Arnel Dy, kag ICT Team sa pagpanguna nanday Mr. Richard Delos Reyes kag Rommel Sario.
-Mayor Ronnie Dadivas