Isa ako ka driver, lain-lain nga tawo akon nakaatubang adlaw-adlaw. Nakulbaan man ko pero kinahanglan magatrabaho para mabuhi ang pamilya. Daku guid nga bulig sa akon nga mabakunahan kontra CoVid-19 para may proteksyon. Salamat guid kay Sec Mar Roxas kag sa GRF nga naghatag sila libre nga bakuna para sa Roxas City,” pahayag sang delivery driver nga si Manong Romeo.

Subong nga adlaw guinpatigayon na naton nga mabakunahan ang mga A4-Economic Frontliners sang donasyon nga 2000 AstraZeneca Vaccine sang aton kasimanwa nga si anay Sec Mar Roxas kag sang Gerry Roxas Foundation. Ini aton guinapasalamatan tungod ini makabulig sa pagbangon sang aton ekonomiya.

Ang Roxas City bukas sa pagbaton sa donasyon sang sino man nga gusto magdonar o magbulig sa aton Syudad kag aton mga kasimanwa.

Leave a Reply

Your email address will not be published. Required fields are marked *