CSC Field Office – Capiz Building Inauguration

Ginapanginbulahan ko ang Civil Service Commission Field Office-Capiz sa panibag-o nga milestone nga ila naabot sa pag-angkon sang bag-o nga talatapan sa ESLA, Barangay Lanot.

Kaina nakig-upod ako sa ginhiwat nga Building Inauguration nga ginpangunahan nanday Commissioner Aileen Lourdes Lizada, Region 6 Director Nelson G. Sarmiento, kag Capiz FO Director II Rufino G. Leonoras.

Nagtambong man diri ang mga opisyales sang CSC Regional Office VI, mga katapo sang Capiz Council of Human Resource Management Practitioners, HR Officers, opisyales sang Provincial Government, mga alkalde sa kabanwahanan, DepEd Roxas City Schools Division Superintendent Dr. Roel Bermejo kag iban pa nga stakeholders sa bug-os nga probinsya.

Ang pag-angkon nila sang separado kag mas malapad nga opisina dako nga bentaha indi lang sa mga empleyado kundi labi na sa mga kliyente kag empleyado sang gobyerno nga nagakinahanglan sang ila bulig. Magahatag man ini ligwa agud mas mapasangkad pa ang ila serbisyo. Nalipay man ako nga mahibaluan ang posibilidad nga ang CSC Capiz mahimu na magpatigayon sang Computer Assisted Examination (COMEX) sa palaabuton.

-MAYOR RONNIE DADIVAS

0 Comments

There are no comments yet

Leave a comment

Your email address will not be published. Required fields are marked *