Nagpaidalum sang training kag seminar sang DENR- Environmental Management Bureau R6 ang gintukod nga Speakers Bureau sang City Environment and Natural Resources Office sa pagpanguna ni Mr.Ronald Amigo nga magakampanya sang Solid Waste Management sang syudad.
Tinutuyo sini nga labi pa nga mapasangkad ang ila ihibalo natuhoy sa Solid Waste Management kag mga impormasyon nga dapat nila itudlo sa publiko sa ila paglibot sa kabarangayan agud masiguro ang katinlo sang palibot.
Kalakip sa mga nagabug-os sa Speakers Bureau ang mga katapo sang CENRO, Roxas City PNP, Philippine Coast Guard, BFP ,CDRRMO, City Health Office, RCCG, SK Federation, Barangay Chairpersons, CBAO kag iban pa.
Nagtambong man sini nga paghanas sanday City Councilor Bordz Viterbo, Councilor Pip Acepcion, DepEd Roxas City Division Superintendent Dr. Roel Bermejo kag representante sang pila ka mga establisemento komersyal kag malls.