Nagpatawag ako sang meeting sa Capiz Electric Cooperative sa pagpanguna ni Capelco General Manager Engr. Edgar Diaz agud hinalaan ang problema sa pagkadula sang suplay sang kuryenti sa Roxas City kag Region VI sa tatlo gid ka magkasunod nga adlaw dala sang kakulangan kag diperensya sa pila ka transmission lines sang NGCP.
Sa amon paghinun-anon upod ang aton Sangguniang Panlungsod sa pagpanguna ni Vice Mayor Inday Teresa Almalbis aton ginkonsulta ang CAPELCO sa ila kapasidad nga masuplayan sang kuryenti ang syudad kon magkaproblema pa sa NGCP subongman wa mga tikang nga mahimu naton ipatuman agud mangin preparado kita inkaso matabo liwat ang malapnagon kag malawig nga brownout.
May pila kami ka lihuk nga pagahimuon agud mapaabot sa natungdan nga ahensya sang gobierno ini nga sitwasyon kag para mabuligan kita nga malikawan ang perwisyo nga dala sini sa pangabuhi kag ekonomiya sang syudad.
Upod man namon sa meeting si Engr. Salvador Asis kag Mr. Rey Cordenillo.
-MAYOR RONNIE DADIVAS
