DICT to assist Roxas City’s Digitalization efforts

Ginakalipay naton ang pagbisita subong nga adlaw ni DICT Regional Director Jane L. Javellana sa Roxas City dala ang pila ka maayo nga balita nga makabulig sa aton kasimanwa.

Nagapasalamat gid ako bangud ang aton syudad nangin prayoridad sa Digitalization projects kag programs sang DICT sa tuig 2022-2023 nga mangin bentaha sa aton tinutuyo nga mangin mas maayo, epektibo, episyente kag madasig ang aton paghatag sang serbisyo-publiko.

Ginpresentar sang DICT-6 sa amon ang ila ginahatag nga assistance sa ICT Infrastructure, mga programa, trainings kag iban pa nga serbisyo.

Kalakip sa mga programa amo ang Digital Job Trainings, ICT Literacy, Competency and Development Bureau, Digital Signatures, Tech4ed hub, ICT Industry Development Bureau kag IBPLS. Target man nila ang pagpatigayon sang paghanas sa Barangay Level nga magabukas sang opurtunidad sa wala sang trabaho nga pumoluyo nga makaangkon sang maayo nga pangabuy-anan kag kita matapos ang 2-3 ka bulan sang maid-id nga training.

Kadungan sini nga meeting, akon ginpresentar kay Director Javellana ang resolusyon nga nagapahayag sang intensyon sang Roxas City Government nga makakuha sang technical assistance, services kag programa sang Department of Information and Communications Technology (DICT).

-MAYOR RONNIE DADIVAS

Kaupod ni Director Javellana sa pagbisita sa aton sanday Ms. Relyn Nunez-Information Technology Officer I/ Techfor Ed Project Focal, Mr. John Michael Lagos- ISR III, Michael Cabugatan Jr. – ISR II, Provincial Officer Lorwell S. Onglatco, Mr. Isidro Laguardia – ITO II, Ms. Joanna Marie Vicedo – PDO II, Elgene Calata-PDO I, Mr. Remwill Lucero, Mr. Lorenzo Cabaraca, kag Mr. Marvin Manuel – ISR III. Sa nasambit nga meeting yara man ang presensya sang aton business sector, Capiz ICT Council kag mga kaupdanan naton sa Sangguniang Panlungsod sa pagpanguna ni Vice Mayor Inday Teresa Almalbis.

0 Comments

There are no comments yet

Leave a comment

Your email address will not be published. Required fields are marked *