Mainit nga pag-abi-abi sa mga katapo sang DILG Regional Office VI sa inyo pagbisita kag salamat sa pagpili sa Roxas City nga venue sang duha ka adlaw nga Executive Committee Quarterly Conference.
Subong nga gab-i naimbitaran kita nga magtambong sa ginhiwat nga DILG Interfacing with the Regional Management Cum Executive Conference sa pagpanguna ni Regional Director Juan Jovian E. Ingeniero-CESO IV kag Asst. Regional Director Maria Calpiza Sardua.
Salamat Dir. Ingeniero sa paghatag sa aton sang kahigayunan nga makilala kag makahinala sa mga opisyales sang DILG sa Western Visayas.
Yara man sa nasambit nga hilikuton ang presensiya sang aton bag-o nga Provincial Director nga si Dir. Cherryl Tacda, Aklan Provincial Director Dino Ponsaran, Antique Provincial Director John Ace Azarcon kag ang aton mapisan nga City Local Government Officer Ginno Salamanca.