Kaina ang aton CDRRMO kaupod ang PNP, BFP, Coast Guard kag mga Barangay Officials/Tanod nagresponde sa panawagan nga rescue sang 25 ka pamilya (101 indibidwal) sa Sitio Proper kag Dulunan Bolo nga na-trap sa ila puluy-an bangud sa baha dala sang mabaskog kag wala untat nga ulan kagab-i tubtob magaaga.

Subong yara naman sa luwas nga sitwasyon ang mga apektado nga pamilya nga sang ginkadtuan sang aton rescue units nagdesisyon na lang nga indi na magbiya sa ila puluy-an bangud amat-amat naman nga naghubas ang baha.

Base sa assessment sang CDRRMO, nagpun-ok sa magamay na lang nga creek ang tubig-baha kag wala na sang iban nga lutsan bangud barado na ini sang uhot kag iban pa nga higko.

Ang aton Disaster Response Team padayon sa paglibot agud mamonitor ang sitwasyon sang kabarangayan partikular ang mga balahaon nga areas lakip na diri ang ginreport nga baha sa Crossing Dinginan pakadto Sibaguan nga subong passable naman ang dalan sa mga light vehicles.

Sunu sa PAGASA mahimu pa kita maka-eksperyensya sang pag-ulan-ulan subong nga adlaw epekto sang amihan. Gani kami nagapahanumdom sa tanan nga magpanginlaman. Magtawag gilayon sa aton CDRRMO kon kamo nagakinahanglan sang bulig.

Leave a Reply

Your email address will not be published. Required fields are marked *