Isa ka sinapol ang guinpatigayon sang Roxas City CoVid-19 Task Force may kaangtanan sa pag-umpisa sang Courtesy Checkpoints sa mga borders sang Roxas City sa Martes Setyembre 7 tubtob Setyembre 21, 2021.

Ini santu sa Memorandum nga guinpapanaug sang Provincial Government (Reiteration of CoVid-19 Protocols). Kita magapahamtang sang Checkpoint sa highway sang Barangay Balijuagan, Lanot kag Tanza nga magasiguro sa pagpatuman sang CoVid-19 protocols.

Sa sini nga mga inadlaw, pagalimitahan ang pagpakadto pakari sang tawo sa syudad nga wala sang importante nga transaksyon kag indi emergency situation. Pagadumilian anay ang pagsulod sang mga nagaedad 15 anyos panubo kag 65 anyos pataas sa Roxas City.

Guinahingyu sang Roxas City Government ang inyo suporta kag kooperasyon.

Leave a Reply

Your email address will not be published. Required fields are marked *