Isa ka meeting kaupod ang mga Alkalde sang anum (6) ka Coastal Municipalities sa Capiz nga ginlakipan sang Ivisan, Sapian, Panay, Pontevedra, President Roxas kag Pilar ang amon gin-organisar ni Governor Fredenil “Oto” Castro agud halatagan ligwa ang pagresolbar sa pila ka mga isyu kag concerns sa kadagatan nga sakup sang Roxas City kag probinsya subongman sang aton mga mangingisda (troll) nga nagapamroblema kon paano mangin legal ang ila pagpanagat bangud sa tuman ka damo nga rekisitos.
Pinaagi sa amon pagbilog mahatagan naton sang remedyo ang ila problema, mahatagan sang kontrol kag proteksyon ang aton dunang-manggad nga dapat ma-enjoy sang aton pumoluyo kag indi maabusaran sang mga dumuluong.
Lakip sa mga nagtambong sanday Panay Mayor Vicente Bermejo, Pilar Mayor Arnold Perez, Ivisan Mayor Felipe Neri Yap, Sapian Mayor Jose Villanueva, representante sang banwa sang Pontevedra kag President Roxas, City Councilor Herbert Koks Chu, Maritime Police Head John Delgado, Mr. Jobby Nalica, Libas Fishing Port Adviser for Special Concerns kag ang aton City Agriculturist.