MADUGAY NGA PROGRAMA SA KONSTRUKSYON SANG DALAN SA LIBAS DAPAT SOLUSYONAN SANG DPWH KAG TAPUSON SANG CONTRACTOR SA LABING MADALI NGA PANAHON
Kada adlaw nalang may nagapaabot sang report kag reklamo sa akon opisina sa pila ka proyekto sang DPWH labi na ining sa Libas nga dalan nga madugay na wala pa gihapon mahuman.
Gin istorya ko ang DPWH nga tagaan ini sang pagtamod sa labing madali nga panahon kay tuman ka daku na ang perwisyo sini sa pumoluyo. Sukton ang dapat manabat kag may obligasyon agud mapadasig ang konstruksyon kag indi pagpa-awat-awatan.
Obligasyon sang kontraktor nga humanon sa nakasugtan kag gintalana nga period/ inadlaw ang kada proyekto nga gintugyan sa ila. Kadungan sini, ang DPWH dapat mag monitor kag siguradohon nga ma-implementar sang insakto kag mahuman sa gintalana nga tion ang kada proyekto sang ila ahensya. Indi pwede nga basta nalang bungkalon kag bay-an kag kon san-o naman balikan.
Ginpangayuan ko man sang update ang DPWH sa iban pa nila nga proyekto sa Roxas City. Ginalauman ko nga maga-coordinate ang ahensya sa City Government sa kutob sa mga proyekto nga ginapatuman nila sa Roxas City agud upod kami magplano kay kita ang maka determinar kon ini nagasantu sa kinahanglanon sang pumoluyo.
-MAYOR RONNIE DADIVAS
