LIBRE NGA BINHI PARA SA MANGUNGUMA
Sa ikaduha nga adlaw sang pagpanghatag sang Certified Palay Seeds sang PhilRice, ang mga mangunguma sang Sibaguan, Tanza, Mongpong kag Gabuan ang ginpadulungan sang aton City Agriculturist Office. Diri masobra isa ka gatos ka mangunguma ang nakabaton sang libre nga binhi sang Palay nga mahimu naman nila matanum.
“Gina alawat gid namon ina ang libre nga binhi nga ginahatag sa amon kada cropping. Bisan paano makamenus sa gasto. Sa kamahal nga daan sang balaklon sa panguma, dugangan pa kon atakehon ka sang peste sa tanum,” sunu sa isa ka mangunguma sa Sibaguan.
