Ang aton mga Tanod indi matupungan ang pagserbisyo sa barangay. Daku guid ang akon pagpasalamat sa ila pagpatrabaho, pagpulaw-bugtaw, pagpainit kag pagpatun-og mapatuman lang ang aton Border kag Barangay Quarantine Checkpoints humalin sang mag-umpisa ang pandemya tubtob nag-MECQ naman kita. Bangud sa ila sakripisyo amat-amat nagnubo ang aton kaso.
Gani subong nga adlaw, tion naman nga sila aton kilalahon kag hatagan sang bisan gamay lang nga insentibo nga makabulig man sa ila.
435 ka Barangay Tanod naguikan sa Lonoy, Lanot, Cabugao, San Jose, Jumaguicjic, Liong, Bago, Loctugan, Adlawan, Barra, Libas, Balijuagan, Sibaguan, Talon, Punta Tabuc, Bolo, Lawaan, Tanque, Tiza, Bato kag Milibili ang guinhatagan namon subong sang insentibo kaupod nanday Councilor Paul Baticados, Councilor Cora Tiangco kag anak nga si Alvin, Bords Viterbo kag Kapitan Rey Magallanes.