Distribution of Incentives to Barangay Health Workers (BHW)

Bilang rekognisyon kag pagpasalamat sa sakripisyo sang aton Barangay Health Workers (BHW) agud mangin madinalag-on ang kawsa sang administrasyon para sa kaayuhan sang kada pamilya sa syudad sang Roxas aton gintugyan ang una nga hugnat sang ila insentibo subong nga tuig.

Kapareho sang akon promisa, wala kita nagpangduha-duha nga dugangan ang insentibo nga ila ginabaton. Ang anay tig-isa ka libo, ginhimu na naton nga tig-2 ka libo kada tion sang distribusyon ukon kabug-usan nga 4 ka libo ka pesos na kada tuig.

Samtang ari kami kag may tsansa indi kita mag-untat sa pagtinguha nga mahatag ang nagakaigo nga suporta sa aton mga BHW’s kabaylo sang ila boluntaryo nga serbisyo sa barangay.

-MAYOR RONNIE DADIVAS

“Dako guid ang akon pasalamat kay Mayor Dadivas bangud gintaasan nya ang ginabaton namun nga insentibo. First time ini nga dako ang mabaton namun nga mga BHWs. Mas labi pa gid kami nga mahuguran sa pagserbisyo para sa amon household,” sunu sa isa ka BHW sang Culasi.

0 Comments

There are no comments yet

Leave a comment

Your email address will not be published. Required fields are marked *