Aton nga guintinguhaan nga mas temprano nga mabaton sang aton mga Senior Citizens sa a Roxas City ang ila Social Pension tungod kinahanglanon guid nila ini labi na subong nga tion sang pandemya.
Sa una nga adlaw sang SOCPEN distribution, 1,331 ka senior citizens sa syudad ang nakabaton sa ila Pension. Nagrepresentar sa akon sini nga hilikuton ang tiayon ko nga si Joanne Dadivas.
Lakip sa batch sang nakabaton subong nga adlaw ang Barangay I, II, III, IV, Inzo Arnaldo, Barangay V,VI,VII, IX, Punta Tabuc, Barangay X, XI, VIII, Tanza, Olotayan, Banica, Bato, Lawaan, Tiza, Milibili, Dayao, Tanque, Libas, kag Barra.
“Madamo nga salamat Mayor Ronnie kag DSWD kay nabaton namon temprano pa ang amon social pension, abi namon December pa o Enero. Indi na kami magpatugmahanon kon san-o maabot o kon mag mabaton pa kami. Subong nga pandemiya, kinahanglan guid namun ini,” pahayag sang isa ka senior citizen sa Dayao.