“Temprano nga regalo sa amon ang ginhatag nga pensyon subong. Madamo gid nga Salamat sa DSWD kag kay Mayor Ronnie nga wala niya kami napabay-an. May inugbakal naman ko maintenance nga bulong kag kalan-unon. Daku ni nga bulig kay man tigulang na kita damo na balatian, wala man kita ginasaligan nga pangita,” sunu sa taga-Dayao.
Akon ginapasalamatan ang DSWD sa pagpamati sa aton pangabay nga ila siguraduhon nga indi ma delay ang distribusyon sang Social Pension sang mga katigulangan nga benepesaryo sang programa. Gani subong nga adlaw, ADVANCE nga nabaton sang Senior Citizens sang Roxas City ang pensyon nila para sa 4th quarter sang tuig 2022.
Kalipay naton nga makita sila nga malipayon kag nagayuhom sa pagbaton sang ila benepisyo. Sa sini nga pamaagi, bisan paano mapabatyag naton ang pagpalangga kag pag-ulingag sa ila.
-MAYOR RONNIE DADIVAS