Aton guin-abi-abi ang pagbisita ni DOH – VI Assistant Regional Director Dr. Helen D. Tobias sa Roxas City.
Sa iya courtesy call kaupod sanday Dr. Mary Joy D. Castroverde, Provincial DOH Officer kag Mr. Pancho Espiritu, Development Management Officer IV amon guinhinalaan ang Convertion sang Isolation Facility sa Hortus bilang Temporary Treatment and Monitoring Facility (TTMF) sa mga symptomatic CoVid-19 Patients, Vaccination kag CoVid Monitoring Updates subong man ang aton mga inisyatibo sa syudad kag kabarangayan agud matapna ini nga pandemya.
Nagpatigayon man ini sang Ocular Inspection sa Isolation Facility kag nagpahayag sang suporta agud mapadasig na ang pag accredit sini nga TTMF.
Nalipay ako nga mabatian kay Director Tobias ang positibo nga reaksyon sa aton mga guinahimo kag pahayag nga “we are on the right track” sa paghatag proteksyon sa ikaayong – lawas sang pumoluyo sang Roxas City.