Isa ka libo ka Micro Small and Medium Entrepreneurs (MSME’s) sa Roxas City kag Capiz ang benepesaryo sang livelihood kits sang DTI kabahin sa Pangkabuhayan para sa Pagbangon at Ginhawa nga programa sang ahensya.

Kalakip sa mga livelihood kits nga ila gintugyan ang mga furniture shop kits, repair shop kits, seafood kits kag frozen product kits.

Ginapasalamatan ko ang DTI Capiz sa pagpanguna ni Provincial Director Ken Queenie Cunada kag Ms. Juvy Benliro, Senior Trade and Industry Specialist District Chief bangud sa bulig nga ila ginahatag sa aton mga MSMEs nga makaalalay sa amat-amat nga pagbangon sang ila negosyo nga ginhitan sang pandemya.

Nagrepresentar sa akon sa ginpatigayon nga distribusyon sanday Vice Mayor Inday Teresa Almalbis kag akon tiayon nga si Joanne Dadivas kaupod si City Councilor Herbert Koks Chu.

-MAYOR RONNIE DADIVAS

Leave a Reply

Your email address will not be published. Required fields are marked *