Kon kamo nagapangita sang lokal nga produkto sang Roxas City kag Capiz sarang niyo ina makita sa Estilo Capiz Trade Fair nga kabahin sa mga pre-Sinadya 2022 activities sa pagpanguna sang DTI-CAPIZ.

50 ka mga exhibitors sang Capiz halin sa mga MSME’s, Horticulture, processed food kag wearable and home style MSME’s ang nagpasundayag sang ila produkto sa trade fair nga ginhiwat sa Robinsons Place nga nagbukas subong tubtob Disyembre 10.

Aton ginapasalamatan ang DTI sa pagpanguna ni Provincial Director Ken Queenie R. Cunada sa pagpatigayon sini nga aktibidad sa sulod na sang pila ka tuig nga naghatag kahigayunan sa mga magagmay nga negosyante kag start-ups nga ma-showcase ang ila obra halin sa arts, handicrafts, pagkaon kag iban pa nga local products nga makabulig man tub-ong sa aton ekonomiya.

Dungan sini aton gindeklarar nga ang Roxas City Government umpisa sa masunod nga tuig nga ang Balay Kapisnon mangin isa na ka One Stop Shop sang DTI Capiz kag Roxas City.

Leave a Reply

Your email address will not be published. Required fields are marked *