Financial Assistance from NHA for the Victims of Brgy I and Culasi Fire

Isa ini ka maayo nga adlaw para sa 18 ka fire victims sang Culasi kag Brgy. 1 bangud ila guinbaton ang bulig-pinansyal nga guinhingyu naton sa National Housing Authority sa idalum sang ila Emergency Housing Assistance Program (EHAP). Pinaagi sini mapahupos ang ila pagbangon kag pagpatindog liwat sang puluy-an.

Ini nga bulig personal naton nga guintugyan kaina sa mga biktima sa presensya nanday Acting NHA Regional Manager Rizalino G. Cabahug kag Atty. John Leo Solinap, Chief Corporate Attorney/Region VI Acting Division Manager upod sanday City Councilor Trina Ignacio nga nag representar sa iya iloy nga si Kapitana Inday Teresa Almalbis, Councilor Gary Potato, konseho sang Brgy. Culasi, Kapitan Nognog Pimentel kag konseho sang Brgy. 1.

“Pasalamat kami sa NHA kag kay Mayor sa iya pag-ulingag sa amon. Kabudlay guid ang pagpangabuhi sa evacuation center labi na kay may gagmay ako nga apo. Masugpunan na ang napatindog ko nga balay, mapaatupan kag salugan ko na ini. Pagbalik niyo malipay kamo kay ang kwarta nga hatag niyo sa amon bisan singko wala may nausik. Bisan gamay lang basta may tulugan kami nga indi kami matuluan kag mabahaan,” pahayag ni Nang Shirley-fire victim sang Poblacion Culasi.

0 Comments

There are no comments yet

Leave a comment

Your email address will not be published. Required fields are marked *