Viva Sta. Maria!
Sa Bisperas sang Kapistahan sang Immaculada Conception, ang Patron sang Roxas City, nag-upod ang linibo ka tumuluo sang Mahal nga Birhen Maria agud siya pasidunggan kag pasalamatan pinaagi sa ginpatigayon nga Fluvial Procession sa Panay River halin sa Jumbo Bridge pakadto sa Roxas City Bandstand.
Ini ginsundan sang Koronasyon sang Birhen nga ginpangunahan sang Musa dela Immaculada Erika Vinculado kaupod kami ni Vice Mayor Inday Teresa Almalbis.
Sa labing – una nga tion sa selebrasyon sang Sinadya ginpatigayon ang Mass Blessing sang mga Marian Images kag Marcha Immaculada nga nagdul-ong sa aton Mahal nga Birhen Maria sa Roxas City Immaculate Conception Metropolitan Cathedral.
Nangin mas maduagon ang selebrasyon sa ginpatigayon nga Fireworks Display.
