Bird Flu free na ang Roxas City. Sa pihak sini kinahanglan gihapon nga mangin alerto ang tanan agud malikawan ang paglapta sang Avian Influenza.
Nagapasalamat kita sa Department of Agriculture VI sa pagpatigayon sang Information Caravan on Avian Influenza sa Roxas City kag Capiz. Sa sini nga aktibidad nagpaidalum sa Orientation sa pagpanguna ni Ms. Zarlina Cuello, Director Technical Services Research and Regulation ang kapin 200 ka mga backyard raisers sang mga manok, itik kag iban pa nga sapat nga mahimu malatnan sang bird flu.
Kadungan sini gintugyan man sa ila ang mga kits/kagamitan agud mamentinar ang katinlo sang lugar nga ginatiniran sang ila alaga nga kasapatan.