Ang madugay na nga problema sa lubak nga barangay road (beside CRAAHS) halin Banica pakadto Mongpong aton na ginhatagan sang solusyon. Nagpain kita sang pondo para sa konstruksyon kag rehabilitasyon sini nga dalan.
Gin-inspeksyon naton ang on-going nga pagpasemento sang dalan. Aton ginalauman nga pagtapak sang Hunyo 30, mahuman na ini.
“Matapos na gid man ang amon sakripisyo sa alagyan nga ni. Pila man ka anyos nga galinagubo lang kami sa tricycle magpuli kay pirte ka lubak kag kagap-ud. Salamat gid ya Mayor kay napamatian mo amon panawagan,” siling sang residente sang Mongpong.