Ang City Equipment Pool Division ang isa sa mga importante nga departmento sa City Government.
Aton ini gin-inspeksyon agud mahibaluan ang mga kinahanglanon para mas mapaayo ang ila nga serbisyo sa pagmentinar sang mga heavy equipments nga ginagamit sa operasyon sa pagpakay-o sang mga dalanon kag iban pa nga engineering works sang syudad.
Ginasiguro naton nga nagadalagan sang maayo ang tanan nga equipments sa motorpool agud mangin madasig ang implementasyon sang mga proyekto, konstruksyon kag rehabilitasyon sang mga dalanon kag iban pa nga programa.
