JolinaPH: Distribution of Food Packs to 311 Families – Brgy. Punta Cogon

Bangud malapit sa baybayon naapektuhan guid sang Bagyo nga Jolina ang aton pumoluyo sa Punta Cogon. Pila sa ila ang nagkalawasak ang balay bangud sa mabaskug nga hampak sang balud.

Gani nagpadala kita sang food packs para sa 311 ka pamilya agud maka piyan-piyan sa kabudlay sang ila sitwasyon subong.

Ini personal nga guindul-ong sang akon tiayon nga nagrepresentar sa akon kaupod ang CSWD kag CDRRMO personnel nga nagpatigayon sang damage assessment sa mga nagkalaguba ang balay para sa nagakaigo nga aksyon.

“Tanan nga oras, ari guid pirme kaupod namon ang City Government, may padala guid si Mayor nga bulig. Dako ang amon pasalamat kag nabatyagan guid namon ang iya pag-ulingag,” pahayag sang residente sang Punta Cogon.

0 Comments

There are no comments yet

Leave a comment

Your email address will not be published. Required fields are marked *