Puno sang kasadya ang akon balatyagon sa liwat naton nga pagtililipon pagkatapos sang duha ka tuig nga wala kita magkaupod sa pagselebrar sang Sinadya.
Ang amon promisa sa inyo nga subong nga tuig himuon naton nga BIGGER, BETTER and BRIGHTER ang Roxas City sa selebrasyon sang Sinadya kag Paskwa. Simbolo sini amo ang pormal nga pagsiga sang aton mas ginpatahum kag ginpasanag nga dekorasyon sa paskwa sa aton plaza sa ginhiwat nga Kasanag kag Pasalamat: Plaza Lighting Ceremony.
Ini ginsundan sang matahum nga cultural presentation, ang Panagbo sa Sinadya, featuring the 100-Voice Choir nga nagapabutyag sang aton kalipay kag pagpasalamat sa Immaculada Concepcion sa iya pag-ubay tubtob aton malampuwasan ang tanan nga pagtilaw.
Kaupod naton sa selebrasyon ang aton Musa dela Immaculada Concepcion nga si Ms. Erika T. Vinculado, Vice Mayor Inday Teresa Almalbis, mga konsehales sang syudad, Vice Governor James Mitang Magbanua, mga Board Members, LMP President /Maayon Mayor Raymund Malapajo subongman Most Rev. Msgr. Freddie Billanes, Msgr. Jojo Villareal, DepEd Roxas City Schools Division Superintendent Dr. Roel Bermejo, PLTCOL Aron Palomo, kag madamo pa nga bisita lakip na ang nilibo ka pumoluyo nga nag-upod sa selebrasyon.
-MAYOR RONNIE DADIVAS
© 2023 All rights reserved