Opisyal naton nga ginlunsar subong nga aga ang madasig kag epektibo nga business process sa Roxas City gamit ang Electronic Business Permit and Licensing System (EBPLS) with E-Signature.
Isa ini ka Computerized Digital System nga nagahatag sang real time monitoring sa estado sang Business Permit Application kag Renewal bangud naka-streamline/konektado na ang tanan nga regulatory offices nga imbolbado sa proseso. Nag-imbitar kita sang mga negosyante nga una nga nakakumpleto sang dokumento agud mahatag ang aprobado nga Business Permit nga madasig nga naproseso gamit ang EBPLS.
“Indi na kami ma-stress sa paghulat kon san-o marelease amon permit. Bangud may EBPLS dasig na kay computerized na tanan. Basta kumpleto lang imo requirements, gamay lang gid nga time imo hulton may permit ka na. As in madasig. Indi ka mahilak sa imo nabayad nga taxes kag other fees kay kita mo gina try man nila improve ang services kag damo developments sa Roxas City,” mensahe sang isa ka business owner.