Isa ka meeting ang ginpatigayon subong nga hapon sa pagpanguna ni League of Cities of the Philippines Program Director Ma. Veronica Hitosis kag Ms. Irish Samilllano, LCP Technical Assistant kaupod sanday DepEd Roxas City Schools Division Superintendent Dr. Roel Bermejo, City Councilor Paul Baticados kag mga katapo sang Local School Board.
Ini may kaangtanan sa ABC+:Advance Basic Education in the Philippines nga proyekto sang DepEd katuwang ang US Agency for International Development (USAID) kag ginapatuman sang RTI International kag The Asia Foundation sa diin nalakip ang Roxas City sa Western Visayas nga target nila nga mabuligan agud mapasangkad ang pagtulun-an sang mga kabataan sa pagbasa, math kag socio-economic skills partikular ang mga yara sa Kindergarten to Grade 3.
Katuwang ang LCP kag DepEd tinguhaan naton nga mapresentar sang maayo ang mga Best Practices sa Roxas City sa patag sang edukasyon agud maganyat naton ang nagkatuhay nga organisasyon nga magpain sang pondo para sa proyekto sa mga eskwelahan nga nagakinahanglan gid sang bulig.