“Nalipay guid ako nga isa ako sa mga napilian nga makabaton sang Livelihood Assistance sang DSWD. Salamat gid Mayor nga napilian ako nga mangin benepesaryo. Makabulig gid ini tib-ong sa magamay namon nga negosyo nga amo man lang nasaligan namon sa pang-adlaw-adlaw,” Florenda Abaracoso- sidewalk vendor.
Subong nga aga, kapin isa ka gatos ka mga kwalipikado nga benepesaryo ang malipayon nga nagbaton sang Livelihood Assistance Grant halin sa DSWD. Kalabanan sini sa ila mga wala sang ginasaligan nga regular nga kita sa kada adlaw kag ginhingyu naton sa talatapan ni Senator Bong Go nga mahatagan sang ayuda.
Sa mga benepesaryo, nagalaum ako nga ini nga bulig gamiton ninyo sang insakto agud matib-ong man ang inyo pangabuhi.
Kaupod ko kaina sa distribusyon si Vice Mayor Inday Teresa Almalbis kag City Councilor Rey Magallanes.
-MAYOR RONNIE DADIVAS
