Pila ka tinuig na ang nagligad sang ulihi nga guinlimpyuhan ang Cadimahan Creek nga nagaangut sa Bangbang Street padulong sa Cadimahan River nga isa sa rason kon ngaa guinabaha ang kalapit nga lugar.
Subong nga adlaw nag-umpisa na ang City Engineers Office sa pagpanguna nanday Engr. Chuck Acuna kag Engr. Rolin Loyola sang manual desilting operation ukon pagtinlo kag pagkutkot sang mga higku nga nagabun-od sa creek.
Ini nga operasyon magadugay sang 60 diyas tubtob nga makakas na ang mga bun-od nga nagaharang sa hilway nga pag-ilig sang tubig direkta sa suba.