Ang Capiz Provincial Government, Roxas City Government kag kabanwahanan liwat nga nag-ululupod sa ginhiwat nga misa para sa pagpasalamat sa mga bugay kag paggiya sang Diyos sa ika-122 anyos nga anibersaryo sang pagtukod sang Gobierno Sibil sang Capiz kag pagdumdom sa ika-75 anyos nga anibersaryo sang kamatayon sang pinalangga kag ginapabugal nga Anak sang Capiz, Presidente Manuel Acuña Roxas.
Nakig-upod sa amon sa misa sa Cathedral nga ginpangunahan nanday Msgr. Jojo Villarreal kag Msgr. Freddie Billanes, ICMC Rector ang aton anay Senador Manuel Mar Roxas kag iya anak nga si Paolo Gerardo Roxas subongman 1st District Representative Tawi Billones kag 2nd District Representative Jane Castro.
“Aton pamarisan ang nagtaliwan nga si anay Presidente Manuel Roxas nga bisan asta sa ulihi nga adlaw nga pagserbisyo sa pungsod kag probinsya wala niya ginkalimtan nga palanggaon ang puluy-an nga ginhatag sa iya sang Mahal nga Diyos .Amo ini nga pagpalangga ang iya ginbilin sa iya pamilya,” Governor Fredinil Oto Castro.
