Meeting with Association of Capiz Tourism Stakeholders (ACTS)

Ginbisita kita kahapon sang mga katapo sang Association of Capiz Tourism Stakeholders (ACTS) sa pagpanguna sang ila Presidente Vicky Baes. Ila ginpalab-ot ang pila ka plano sang asosasyon kag estratihiya agud mabuligan ang pagpakilala sang turismo sang Roxas City kag Capiz.

Naghatag man kita sang suhestyon agud mas mangin komprehensibo kag mapanami pa ang ila mga ginadihon nga tikang. Nagapanguna diri ang pagpatigayon sang Tourism Summit sang tanan nga tourism stakeholders.

Kita sa Roxas City Government nagapasalamat kag nagasuporta sa sini nga inisyatibo sang pribado nga sektor nga kaangay naton nagahandum nga mapasundayag ang turismo sang aton lugar nga dalan sa pag-umwad sang ekonomiya kag pangabuhi sang pumoluyo.Nakaupod ko man kahapon sa meeting si City Councilor Atty. Gary Potato kag former Councilor Cora Balgos-Tiangco.

0 Comments

There are no comments yet

Leave a comment

Your email address will not be published. Required fields are marked *