Subong nga aga, amon na guinpirmahan nanday Rev. Fr. Gybbyn Gumban kag Rev. Fr. Paul Henry Bocboc ang Memorandum of Agreement sa tunga sang Roxas City Government kag St. Joseph Vocational and Technical Training and Assessment Center.

Ini may kaangtanan sa igahatag nga educational sponsorship sang City Government sa mga nagakadapat nga kabataan sang syudad nga manug-Senior High School kag luyag maka-eskwela sang libre sa guinatanyag sang St. Joseph nga Vocational kag Technical Training.

Ang gobierno sang syudad amo ang bahala nga magbayad sang ila participation fee.

Sa subong nga panahon, in demand sa iban nga pungsod ang mga skilled workers gani daku nga opurtunidad sa mga kabataan nga libre nga makatuon sa isa ka Vocational school agud madasig sila makaangkon sang trabaho kag maayo nga sweldo.

Leave a Reply

Your email address will not be published. Required fields are marked *