Monkeypox: Local Health Board’s Preparedness and Response Plan

Subong nga hapon, nagpatigayon kita sang Emergency Meeting sa mga katapo sang Local Health Board natuhoy sa balatian nga Monkeypox. Luyag ko nga masiguro nga apisar wala kita sang kumpirmado nga kaso sa karon preparado ang city government sa pagtapna kag pag-atubang sa amo nga balatian.

Ginpresentar sang aton City Health Office ang ila Monkeypox Preparedness and Response Plan lakip diri ang pagpatigayon sang orientation, massive information and education campaign sa kabarangayan, pribado nga talatapan kag establisemento, pag-establisar sang Epidemiological Surveillance Unit, Orientation sang BHERTS/BHW’s, Isolation & Quarantine Protocols, paghimu sa Hortus II bilang Isolation Facility.

Ginakonsiderar naton ang pag-require sang health declaration sa mga nagasulod sa aton point of entries (ports, airports, terminals) halin sa iban nga lugar, pagpatigayon sang Border Checkpoint kag plano nga pagpaidalum sang Roxas City Medtechs sa Monkeypox RT PCR Testing Training.

Upod naton sa nasambit nga sinapol sanday City Councilor Federico Acepcion-SP Committee on Health Chairperson, City Health Officer Dr. Lory Cahilog, Joeffrey Espiritu-DOH-VI Representative, Mr. Ronald Amigo, Ms. Jane Diaz, PPA-Culasi, CAAP Airport Manager Mr. Monnico Basallote, Roxas City Police Chief PLTCOL Aron Palomo, DepEd Roxas City Division Superintendent Dr. Roel Bermejo, CDRRM Officer Dennis Saneo, City DILG Officer Mr. Gino Salamanca, City Agriculturist Mary Anne Baria, SFO3 Armstrong Buni- BFP kag iban pa.

0 Comments

There are no comments yet

Leave a comment

Your email address will not be published. Required fields are marked *