Akon gid ginapanginbulahan ang mga opisyales kag pumoluyo sang Barangay Lanot sa pagpamuno ni Barangay Kapitan Totong Tuazon sa pagbukas sang ila Busog Lusog Kitchen (BLK).
Ang Lanot amo ang labing-una nga barangay sa Roxas City nga nakapatindog sang Busog Lusog Kitchen nga proyekto nga suno kay Kap. Totong mangin mapinuslanon labi na sa tion sang kalamidad kag iban pa nga aktibidad sa Barangay. Diri pagalutuon ang mga hotmeal para sa mga evacuees pananglitan may magpanalasa nga bagyo.
Nagrepresentar sa akon sa ginhiwat nga ribbon cutting ang akon tiayon nga si Joanne Dadivas kaupod si CSWD Head Persy Cordova.
