Orientation on the Mandates and Functions of the RDC and NEDA

Gintambungan naton kaina ang ginpatigayon nga Orientation sang National Economic and Development Authority (NEDA-VI) para sa mga bag-o napilian nga lokal nga opisyales sa Capiz natuhoy sa mga mandatu, katungdanan kag responsibilidad sang Regional Development Council kag NEDA sa pagpanguna ni OIC NEDA Regional Director/RDC VI Secretary Engr. Arecio A. Casing Jr.

Kalakip sa mga topiko diri ang Duties and Functions sang NEDA sa Plan and Policy Formulation, Project Development, Investment Programming and Budgeting, Project Monitoring and Problem Solving Sessions subongman Knowledge and Data Management nga dapat mahibaluan sang mga opisyales para sa maayo, madasig kag may koordinasyon nga pagpatuman sang mga programa kag proyekto.

Diri nahatagan kita kahigayunan nga mapaabot sa NEDA kag RDC ang pila sa aton concern kaangay nalang sa pag hingyu nga i-prayoridad ang dredging ukon pagpadalum kag pagpalapad sang Culasi Port, ang pag-develop sini bilang potensyal nga subport sang Iloilo kag independent port sa palaabuton subongman sa ila pagtulay agud mag-angkon sang maayo nga koordinasyon sa implementasyon sang mga regular projects sang DPWH sa LGU agud masiguro nga ini makabulig sang dako sa pag-umwad sang syudad.

Kaupod ni Director Casing nga nagpatigayon sang orientation sanday Ms. Cynthia C. Lumampao – OIC Asst. RD- NEDA VI, Engr. Alexander O. Aquio – Chief EDS-PDIPBO – VI, Ms. Yvette G. Batacandolo – Chief EDS – Development Research Division NEDA VI, Ms. Ma. Leah L. Letrero – OIC Division Chief Project Monitoring and Evaluation Division, Ms. Joyalita B. Tigres, Division Chief, NEDA VI.

Nagtambong man sa orientation sanday Vice Governor Mitang Magbanua, mga katapo sang Sangguniang Panlalawigan, Roxas City Councilor / Ex-officio Board Member Atty. Paul Baticados kag mga alkalde sa kabanwahanan.

0 Comments

There are no comments yet

Leave a comment

Your email address will not be published. Required fields are marked *