Amon subong guinbaton halin kay DOLE Secretary Silvestre Bello III ang P1.5 million pesos nga Livelihood Assistance Project para sa 75 ka Street Food Vendors sang Roxas City.
Ini nga pondo para sa NegoKart Livelihood Project aton guinpangayo sa DOLE agud nakaangkon sang uniformed kag presentable nga cart ang tanan nga identified street food vendors sa syudad.
May guinpartenisir man nga counterpart nga pondo ang City Government sa implementasyon sini. Tanan nga Street food vendors nga benepesaryo sang NegoKart liwat naton nga ipaidalum sa food safety training para sa matinlo kag luwas nga preparasyon kag pagserbi sang pagkaon sa ila kustomer.
Nahatagan man kita oportunidad nga maka istorya ang pila ka katapo sang DOLE nga guinlakipan nanday Undersecretary Renato Ebarle, Oversearseas Workers Welfare Administrator Hans Leo Cacdac, Director Karen Trayvilla, DOLE VI Regional Director Cyril Ticao kag Assistant Regional Director Jesus Elpidio Atal, OWWA RD Rizza Moldes agud mahibaluan ang iban pa guid nila nga proyekto nga mahimu makahatag sang dugang nga bulig sa taga Roxas City.