Pagpakay-o sang alagyan sa Mendoza Urban

Sa malawig nga tion, naga-antos sa pag-agi sa lubak-lubak kag malutak nga dalan kon mag-ulan ang pumoluyo sang Mendoza Urban sa Inzo Arnaldo. Bangud sa pangabay sa aton ni Kagawad Loida Baticados upod ang konseho sang barangay kag 162 ka pamilya nga miyembro sang Homeowners Association subong nga adlaw aton guinrespondihan ang ila kinahanglanon kag guinsuguran ang pagpakay-o sang ila alagyan. “Nagapasalamat guid ako kay Mayor Ronnie kag City Government nga guintagaan guid nila sang priority ang hingyu sang Mendoza Homeowners Association nga makay-o ang amon alagyan. Amo ini ang guinabakho namon nga kalainon sang dalan nga gadinalum lang guid labi na kon gaulan. Nalipay guid kami nga nagkadto guid si Mayor para solusyunan ang problema sang mga tawo diri,” Evangeline Diva, Mendoza Homeowners Association President.

0 Comments

There are no comments yet

Leave a comment

Your email address will not be published. Required fields are marked *