Bugas Para sa Taga Roxas, Bulig Para sa Mangunguma
Samtang guinasiguro naton ang SEGURIDAD SA PAGKAON sang aton pumoluyo sa tunga sang pandemya indi man naton pagkalimtan ang aton mga rice producers nga naga-antos bangud sa manubo nga presyo sa baligyaanay sang bugas sa harvest season.
Nakighinun-anon ako subong nga aga kanday NFA Regional Manager Lilibeth Ignacio, NFA Capiz A Branch Manager Cashmere Gemarino, upod sanday Mr. Andy Ostan, Red Dela Cruz, Engr. Clerk Objaton kag Shiela Lyn Gallardo sang NFA subongman CSWD Program Officer Persy Cordova may kaangtanan sa pagpadayon sang aton Bugas Para sa Taga Roxas – Food Security Program subong nga tuig kag programa nga mahimu kami mag-collaborate agud mabuligan ang aton mga mangunguma.
Amon guin-istoryahan ang natuhoy sa Palay Marketing Assistance Program for Legislators and Local Government Units (PALLGU) nga makabenepisyo sa mga mangunguma/farmers organizations.